Tuesday, July 30

របៀបដាក់លេខសំងាត់ ទៅអោយ Video

សូមបង្ហាញអំពី របៀបដាក់លេខសំងាត់ ទៅអោយ Video ជាមួយនឹងកម្មវិធី GreenForce Player ដែលអ្នកអាចទាញយកបានដោយ ចុចត្រង់នេះ

ជំហានទី ១៖

បន្ទាប់ពីអ្នកបានទាញយកកម្មវិធី GreenForce Player ហើយអ្នកធ្វើការបើកវា បន្ទាប់មកចាប់ទាញនូវ Video File ណាដែលអ្នកចង់ ដាក់លេខសំងាត់ ទៅឲ្យវាដាក់ចូលទៅក្នុង GreenForce Player។

ជំហានទី ២៖

បន្ទាប់មកចុចលើ DRM -> Protect video

ជំហានទី ៣៖

វាយបញ្ជូលនូវលេខសំងាត់រួចចុចប៊ូតុង OK

បន្ទាប់មកអ្នកនឹងទទួលបានឯកសារ Video ប្រភេទ gfp ដូចខាងក្រោម

ប៉ុន្តែឯកសារ Video ប្រភេទ gfp គឺអាចចាក់បានតែជាមួយនឹងកម្មវិធី GreenForce Player ប៉ុណ្ណោះ។ ដូច្នេះយើងមានវិធីមួយទៀតគឺ យើងចូលទៅកាន់ DRM -> Protect video ដដែល ប៉ុន្តែម្តងនេះយើងធីកយកជំរើស "Add player to the media file" ដើម្បីភ្ជាប់កម្មវិធី សំរាប់ចាក់ចូលទៅក្នុង Video File ដូចនេះយើងមិនចាំបាច់ ត្រូវការកម្មវិធីសំរាប់ចាក់ Video File នេះទេ។

Monday, July 29

វិធីដោះកូដ iPhone 3GS/4/4S ដែលជាប់កូដ ដោយប្រើ កម្មវិធី SAM

UnlockCode-IOS

សំរាប់លោកអ្នក ដែលប្រើ iPhone 3GS/4/4S ប្រភេទ ជាប់កូដ ឥឡូវនេះ មានវិធីថ្មីមួយ ដែលរកឃើញ ដោយ Hacker ជនជាតិចិនឈ្មោះ លោកតា ស៊ុន (Loktar_Sun) អាចអោយ លោកអ្នក ដោះកូដ iPhone របស់លោកអ្នក បានដោយងាយស្រួល តាមរយៈការប្រើកម្មវិធី SAM របស់លោក Sam Bingner ‏ @sbingner។ ក្រោយដោះកូដ ដោយប្រើវិធីនេះ រួច លោកអ្នក មិនចាំបាច់ប្រើ ទ្រនាប់ស៊ីម ឬរង់ចាំ Ultrasn0w នោះទេ។ គុណវិបត្តិរបស់កម្មវិធីនេះ គឺវា អាចស្គាល់បានម្តង តែមួយស៊ីម ដែលបានធ្វើ ប៉ុណ្ណោះ ហើយបើចង់ប្រើជាមួយ ស៊ីមផ្សេងទៀត ត្រូវធ្វើឡើងវិញ ម្តងទៀត។

កំណត់ចំណាំ: Apple បានបិទវិធីដោះកូដនេះហើយ ដូចនេះ វិធីខាងក្រោម នឹងមិនដំណើរការទៀតទេ!!!

តំរូវការជាមូលដ្ឋាន:
- ស៊ីមកាតដើមរបស់ប្រទេស ដែលទូរស័ព្ទ iPhone ជាប់កុងត្រា
ឧ. ស៊ីមកាត AT&T បើសិនជា iPhone របស់លោកអ្នក ជា iPhone ដែលទិញមកពី អាមេរិក ហើយជាប់កុងត្រា AT&T
ចូលទៅ Settings->General->About រួចមើល Model: MC—LL … LL កន្ទុយ មានន័យថា iPhone ជា iPhone ជាប់កូដរបស់ AT&T
- ស៊ីមកាត ស្រុកខ្មែរ ដែលចង់ប្រើ
- iPhone 3GS/4/ 4S ដែល Jailbreak រួច Baseband អ្វីក៏បាន
- កម្មវិធី SAM ដោនឡូដបានពី Cydia

ដំឡើងកម្មវិធី SAM:

1. ជាដំបូង សូមបើកកម្មវិធី Cydia រួចចូលទៅ Manage-> Sources-> Edit-> Add រួចបន្ថែមប្រភព: http://repo.bingner.com បន្ទាប់មក ចុច Add Source-> Return to Cydia។
Unlock-iPhone 3GS/4/4S-Using-SAM

2. ចូលទៅ Search ហើយវាយពាក្យ SAM រួចចុចលើ SAM-> Install-> Confirm-> Reload SpringBoard ដើម្បី Respring។
Unlock-iPhone 3GS/4/4S-Using-SAM

3. ក្រោយ Respring រួច សូមដាក់ស៊ីម AT&T ចូល បន្ទាប់មក សូមចុចលើកម្មវិធី SAMPrefs រើសយក Utilities-> De-Activate iPhone-> OK ដើម្បី ដោះ Activate។ ចុច ប៊ូតុង SAM ដើម្បី ត្រឡប់មកផ្ទាំងដើមវិញ រួចចុចប៊ូតុង More Information។ សូមកត់ចំណាំលេខ IMSI ក្នុងប្រអប់ SIM Details ឬចុចលើ លេខទាំងនោះម្តង ហើយរើសយក Select All-> Copy ក៏បាន។ បន្ទាប់មក សូមចុចដោះ ស៊ីមកាត AT&T ចេញ។
Unlock-iPhone 3GS/4/4S-Using-SAM

4. សូមដាក់ស៊ីមកាតស្រុកខ្មែរ ដែលលោកអ្នក ចង់ប្រើ (ឧ. ស៊ីម Hello) រួច ត្រឡប់មកផ្ទាំងដើមរបស់ កម្មវិធី SAM រួចចុចបើកប៊ូតុង Enabled។ រួចសូម រើសយក ព័ត៌មានដូចតទៅ:
- ចុចប៊ូតុង Method រួចរើសយក By Country and Carrier
- ចុចប៊ូតុង Country រួចរើសយក Cambodia
- ចុចប៊ូតុង Carrier រួចរើសយក បណ្តាញទូរស័ព្ទរបស់ស៊ីម
(សំរាប់លោកអ្នក ដែលប្រើ Beeline គឺមិនមានអោយរើសទេ …. នេះ គឺជាកន្លែងខ្វះចន្លោះរបស់ កម្មវិធី SAM ហើយយើង បានទាក់ទងទៅ លោក Sam ហើយ ទាក់ទងនឹងបញ្ហានេះ)
- ចុចលើ SIM ID រួចរើសយក លេខដែលវាផ្តល់ជូន
Unlock-iPhone 3GS/4/4S-Using-SAM

5. ចុចលើ More Information រួចចុចលើ ប៊ូតុង Spoof Real SIM to SAM -> OK។ បន្ទាប់មក រំកិលផ្ទាំងអេក្រង់ចុះក្រោម មកប្រអប់ SAM Details រួចវាយបញ្ចូលលេខ ដែលយើងបាន កត់ចំណាំ ត្រង់ជំហានទី 3 ឬចុចលើលេខនោះ រួចរើសយក Select All-> Paste ក៏បាន។
ចំណាំ: សូមប្រាកដថា លោកអ្នក វាយលេខនេះ ក្នុងប្រអប់ SAM Details មិនមែន SIM Details នោះទេ
Unlock-iPhone 3GS/4/4S-Using-SAM

6. បន្ទាប់មក ត្រឡប់មកផ្ទាំងដើមរបស់កម្មវិធី SAM វិញ រួចរើសយក Utilities -> Attempt Activation។ បើលោកអ្នក ធ្វើបានត្រឹមត្រូវ នោះ iPhone របស់លោកអ្នក នឹង Respring មិនខាន។
Unlock-iPhone 3GS/4/4S-Using-SAM

7. ក្រោយ Respring រួច សូមបើកកម្មវិធី SAMPrefs ម្តងទៀត រួចក្នុងប្រអប់ Enabled សូមបិទវា។
Unlock-iPhone 3GS/4/4S-Using-SAM

8. បន្ទាប់មក ដោត iPhone នឹងខ្សែ USB តទៅកុំព្យូទ័រ ហើយបើកកម្មវិធី iTunes នោះ iTunes នឹងធ្វើការ Activate និង Unlock iPhone របស់លោកអ្នក មិនខាន។
- បើជួបសារថា iPhone fail to Activate សូមដោះខ្សែ USB រួចបិទ iTunes រួចតភ្ជាប់ និងបើកកម្មវិធី iTunes ម្តងទៀត។ ធ្វើ 2-3 ដង នោះនឹងបានសំរេចមិនខាន។
- តែបើជួបសារថា Sim Cards is not supported នោះលោកអ្នក ត្រូវធ្វើឡើងវិញម្តងទៀត

វិធីរក្សាសំបុត្រដោះកូដ (Unlock Activation Ticket):

ក្រោយការដោះកូដបានសំរេចម្តងៗ សំរាប់ស៊ីមនីមួយៗហើយ (សំរេចម្តង រក្សាម្តង…) លោកអ្នក គួររក្សាសំបុត្រដោះកូដនេះ ដើម្បី ទុកប្រើពេលក្រោយ។
9. ជាដំបូង សូមដោនឡូដ កម្មវិធី iFunBox ពីទីនេះ: http://www.mediafire.com/?1tbcfziqudw12si។ បន្ទាប់មក បើកប្រើវា រួចនៅផ្ទាំងខាងឆ្វេងកម្មវធី សូមចុចលើ Raw File System -> var-> root-> Library។
Save-SAM-Unlock-Activation-Ticket

10. យកម៉ៅ Right Click លើថត Lockdown រួចរើសយក Copy To PC ដើម្បី ថតចម្លងថត នេះ ទៅកាន់ កុំព្យូទ័រ។ រើសយកទីតាំងណាមួយ សមរម្យ ហើយចុច Save ដើម្បីធ្វើការ រក្សា។
ចំណាំ: សូមចងចាំថា SAM អាចរក្សា សំបុត្រដោះកូដ ម្តង បានតែស៊ីមមួយប៉ុណ្ណោះ ហើយបើធ្វើលើស៊ីមថ្មី នោះវា នឹងរក្សាសំបុត្រថ្មី ជាន់លើ សំបុត្រដោះកូដចាស់ ដូចនេះ ពេលធ្វើការដោះកូដ ដោយប្រើ SAM បានសំរេចលើស៊ីមណាមួយ ត្រូវចូលទៅ រក្សាថត Lockdown នេះម្តង ហើយដាក់ឈ្មោះវា ជាឈ្មោះថតផ្សេង ដើម្បីចំណាំខ្លួនឯង
Save-SAM-Unlock-Activation-Ticket

11. ដើម្បី Restore សំបុត្រដោះកូដនេះ ឡើងវិញ នោះលោកអ្នក គ្រាន់តែ ថតចម្លងថត Lockdown ដែលបានរក្សានេះ ចូលទៅទីតាំង ដើមនៅក្នុងទូរស័ព្ទជាការស្រេច (Raw File System -> var -> root-> Library)។ បើ Restore ថ្មី ត្រូវដំឡើង SAM រួចបើកប្រើវា ម្តង ស៊ឹមកូពីថតនេះ ចូល។